Umdlali we Bafana Bafana odlalela iqembu lase Gibhithe iAl Ahly, uPercy Tau (29) wenza ezibukwayo, uvutha bhe. Ngomhlaka 4 Nhlangulana, iAl Ahly inqobe iWydad ngo 2-1 uTau ufake elilodwa igoli
uTau ushaya amanqaku umdlalo nomdlalo, aphinde enze amathuba wamagoli. Akayiqalanga kahle isizini yakhe eqenjini le Al Ahly, ngenxa yokulimala nokuzithola ehleli ebhentshini engadlali. Kwakubonakala ngathi uzolishiya leliqembu.
Kuthe lapho ethola ithuba lokudlala walisebenzisa kahle eshaya amanqaku, ethokosiza abalandeli. Esiza ne Al Ahly ukuwina izindondo futhi yenze kahle kumqhudelwane weCAF Champions League. Liphakeme kakhulu izinga adlala ngalo uTau.
I Al Ahly izobhekana ne Wydad emlenzeni wesibili womdlalo wamanqamu weCAF Champions League, ekhaya le Wydad ngomhlaka 11 Nhlangulana. Kuzoba ngumdlalo onzima kakhulu ngoba phela iWydad iyona evikela isicoco seCAF Champions League. Ukuwina lesisicoco kungamujabulisa kakhulu uTau futhi angaba ngundlali ovelele kuCAF Champions League.
