Local

OwaseKZN noBeyoncé kwiLion King

Umingisi waseMgungundlovu uNokwanda Thuso Mbedu, unyelwe yinyoni esandleni njengoba engomunye wabalingisi befilimu entsha yakwaDisney esihloko sithi Mufasa: The Lion King.

Admin
May 3, 2024

Umingisi waseMgungundlovu uNokwanda Thuso Mbedu, unyelwe yinyoni esandleni njengoba engomunye wabalingisi befilimu entsha yakwaDisney esihloko sithi Mufasa: The Lion King.

Kule filimu yodumo uThuso oke wahlala nasoLundi, uzobe edlala nabomakadebona abanjengoBeyoncé Knowles-Carter, Donald Glover, John Kani, Kagiso Lediga nendodakazi kaBeyoncé noJay Z, uBlue Ivy Carter.

Yize uBlue ezobe elingisa indawo yendodakazi yeNkosi uSimba neNdlovukazi, uNala, uKiara kodwa uThuso uzobe engomunye wamazwi angeziwe kule filimu.UJohn uzobe enguRafiki omdala bese uKagiso elingisa indawo kaRafiki omncane.

Phakathi kosaziwayo abahalalisele amaciko akuleli ngokubamba iqhaza kule filimu ngoSimphiwe Shembe, Tumi Morake, Loyiso Gola, Tips Shampoonizer nabanye. Le filimu ezoqala ukukhonjiswa kuma-theatre asemhlabeni wonke jikelele ngoDisemba, ikhuluma ngobàba kaSimba, uMufasa, oyintandane ekhule inobuhlakani obuyisimanga namandla kanye nozwelo.

UDonald uzobe elingisa indawo kaSimba (okhuza ibuya njengoba ayelingisa lendawo ngo-2019). Abanye ngoTiffany Boone ozobe enguSarabi, uPreston Nyman onguZazu, uMads Mikkelsen onguKairo, uThandiwe Newton ongunina kaTaka, u-Eshe, uLennie James ongubaba kaTaka, u-Obasi, u-Anika Noni Rose ongumama kaMufasa, u-Afia noKeith David onguyise kaMufasa.

Ingwazi yomculi uLebo M naye uzokhuza ibuya kule filimu njengophrojusa womculo ngokubambisana noLin Manuel Miranda, ozoqhubeka nokubhala izingoma ezizobe zidlalwa. UThuso selokhu egobe amadlangala e-USA, ugila izimanga endimeni yokulingisa. Uke wahlabana ngomklomelo we-Outstanding Breakthrough Actress kuma-23rd Annual Black Reel Awards ngendawo eqavile ayidlala efilimini esihloko sithi The Women King.

UThuso ulingisa indawo kaNawi kule fillimu eshuthelwe KwaZulu-Natal naseWestern Cape. Kwakungekhona okokuqala uThuso edla umhlanganiso emiqhudelwaneni yezindondo njengoba eseke wahlabana nge-Independent Spirit Award neGotham Award. Le ntokazi iqale ukuzakhela ugazi eHollywood ngokudlala emdlalweni othi The Underground Railroad, ahlabana kuwo ngendondo kumaHollywood Critics Awards.

Emuva kokudlala kwiThe Women King, uThuso ubuye wakleliswa nabalingisi abayishumi abavelele yiphephandaba lase-USA iNew York Times nyakenye. Imizamo yokuthola ukuphawula kukaThuso ayiphumelelanga kwaze kwashaya isikhathi sokushicilela.

*Olunye ulwazi lucashunwe kwi-IOL Entertainment.

Umthombo: Isolezwe

Did this story inform, inspire or affect you?

Do not let important community news stop with you. Share this article with two friends, relatives or neighbours and help more people stay informed about what is happening in Orange Farm and surrounding areas.

Follow Orange Farm News for trusted local reporting, community voices, breaking news and stories that matter.

Like it. Share it. Talk about it.

Join us on:

Together, we keep our community informed and connected.

Read more stories by

Admin

Leave a Reply

Your email address will not be published. Required fields are marked *

Related Stories
  • Drieziek Recreation Park moves closer to completion as access road works resume
    2 weeks ago
  • United Future Stars crowned Drieziek Lion U11 champions
    2 weeks ago
  • Special electoral preview: Here’s where to cast your votes in Orange Farm
    2 weeks ago
  • Orange Farm at the polls: 116,103 registered voters, 410 candidates, but will residents turn up?
    4 weeks ago

More stories like this

  • Local
    Lion roaming Vereeniging located after police launch search operation
    1 month ago
  • Drieziek
    Ntsele Foundation brings sport, education and indigenous games together in Drieziek
    1 month ago
  • Local
    Orange Farm preschool owners tackle financial struggles
    1 month ago